టాలీవుడ్ యువ హీరో కిరణ్ అబ్బవరం తన 11వ సినిమాతో ప్రేక్షకులను మరోసారి అలరించేందుకు సిద్ధమవుతున్నారు. తాజాగా ఈ చిత్రం షూటింగ్‌ను ప్రారంభించిన విషయాన్ని ఆయన సోషల్ మీడియా ద్వారా అధికారికంగా ప్రకటించారు. ‘‘కే ర్యాంప్’’ పేరుతో తెరకెక్కుతున్న ఈ చిత్రానికి జైన్స్ నాని దర్శకత్వం వహిస్తున్నారు. యుక్తి తరేజా ఈ సినిమాలో కథానాయికగా నటిస్తున్నారు.
హాస్య మూవీస్, రుద్రాంశ్ సెల్యూలాయిడ్ సంస్థలు సంయుక్తంగా నిర్మిస్తున్న ఈ చిత్రంలో వినోదం, యాక్షన్ కు పెద్దపీట వేయనున్నట్లు తెలుస్తోంది. కిరణ్ అబ్బవరం ఈ సందర్భంగా ఒక ఆసక్తికరమైన పోస్టర్‌ను విడుదల చేశారు. సముద్రతీరంలో స్టైలిష్ లుక్‌లో నిలబడిన ఆయన ఫోటో ప్రేక్షకులను ఆకర్షిస్తోంది. “ఫన్ స్టార్ట్ అయింది” అనే క్యాప్షన్‌తో పోస్టర్‌ను షేర్ చేయడంతో సినిమా టోన్ పట్ల ఆసక్తి మరింత పెరిగింది.
అభిమానులు ఫస్ట్ లుక్ కోసం ఆసక్తిగా ఎదురుచూస్తున్నారు. కిరణ్ గత చిత్రాలతో మంచి గుర్తింపు సంపాదించగా, ఈ సినిమాతో మరింత విస్తృతంగా అభిమానులను చేరుకోవాలని భావిస్తున్నారు. తాజా అప్‌డేట్స్ చూస్తుంటే, ‘కే ర్యాంప్’ యువతను ఆకట్టుకునే పూర్తి ఎంటర్‌టైనర్‌గా మారే అవకాశాలు కనిపిస్తున్నాయి.
0 Comments